A CNT de Vigo organiza unhas xornadas antirrepresivas

Consistirán en varias actividades en torno a experiencia da COPEL os días 19 e 26 de outubro. As dúas actividades terán lugar no local da CNT en Vigo, na rúa príncipe.

XORNADAS ANTIRREPRESIVAS DA CNT DE VIGO:
A HISTORIA DA “COORDINADORA DE PRESOS EN LUCHA (COPEL)”

Como cada outono, a CNT-Vigo organiza unhas xornadas antirrepresivas co obxectivo de concienciar e visibilizar o aumento da criminalización das loitas sindicais e sociais, a represión do estado e o continuo empeoramento do trato e situación das persoas presas nos cárceres.

Esta situación non é un problema excepcional ou puntual, senon que se trata dunha circunstancia que ven para quedarse grazas a creación por parte do sistema da sensación de medo como instrumento para a dominación, “chivos espiatorios” como o suposto aumento e a desprotección da xente fronte a criminalidade ou o medo a inmigración, entre outras razóns. Todo esta situación vese reflectida polo avance desmesurado da extrema dereita e o fascismo en Europa, o incremento das sancións e o troco destas a tipos penais, que antes como moito so chegaban a meras sancións económicas.

A CNT-Vigo está na obriga, non so de combatelo, se non de analizar a realidade e explicar as causas deste sistema.

Este ano centramos estas xornadas na Coordinadora de Presos En Lucha (COPEL), un histórico movemento de presas e presos que loitaron pola liberdade e uns dereitos básicos nas cadeas na transición a democracia.

VENRES día 19 de Outubro ás 19:00 h., proxección e debate do documental “COPEL: Unha historia de rebeldía e dignidade”, no local da CNT de Vigo, na R/Príncipe nº 22, 1º andar, local 34.

VENRES día 26 de Outubro ás 19:00h., palestra-debate a cargo de José Manuel Botana, membro da COPEL, no local da CNT de Vigo, na R/ Príncipe nº 22, 1º andar, local 34.

Esperamos que sexan do voso interese,
Vémonos!

CNT-Vigo

Deixa un comentario

Este sitio usa Akismet para reducir el spam. Aprende cómo se procesan los datos de tus comentarios.