Comunicado contra o desaloxo do CSO A Insumisa

Xa é un feito. O suposto “goberno do cambio” da Coruña desaloxou o Centro Social Okupado A Insumisa. E non só saltáronse a legalidade vixente e as máis mínimas garantías democráticas (pois foi un día antes de expirar o prazo estipulado) se non que ademais o fixeron pola forza. Non coa mínima imprescindible, nin moito menos, senón con sadismo e crueldade. Gas pementa, porrazos, contusións, cóbados esnaquizados, brechas na cabeza (de ata 9 grampas)… a nova política. E non foron os antidisturbios, non, esta vez non poderán escusarse con iso; foi a policía local, xente ás súas ordes, os seus subalternos, os seus esbirros, o seu brazo armado. Se que agora dirán, como xa fixeron outros antes que eles, que a culpa é nosa, que nós empezamos, que a policía só defendeuse… pero saben que minten. Saben perfectamente quen golpeou primeiro e, aínda que agora pretendan enganar á xente, como antes facía a “vella política”, tanto nós como eles sabemos a verdade. E ao pobo consciente e organizado tampouco poderán enganalo. Marea Atlántica son directamente responsables da represión e a violencia. Máis aínda que os lacaios que empuñaban as porras que eles ordenaron desenfundar. Algún día terán que responder por esta infamia.

 

Por fin conseguírono. A máquina de triturar utopías devorou un Centro Social: unha sala de concertos, un skate park gratuíto, un ximnasio utoxestionado, un local para charlas e talleres, unha cociña popular e vegana… fonte de financiamento de causas solidarias e ferramenta imprescindible dos Movementos Sociais. Aniquilaron unha okupa, libre e asemblearia, que cuestionaba cos seus actos e a súa mera existencia o capitalismo, a especulación e a propiedade privada. Pero que lle importará iso á “nova política”? Que é iso da autoxestión e o dereito a teito? Parece que a eles preocúpanlles máis o poder e as mansións de 600.000 euros.

 

E o máis patético de todo é que pretenden vender a destrución dun espazo liberado por medio da máis descarnada forza bruta como unha conquista social e unha recuperación do público. Que hai máis público que un Centro Social aberto no que todas poden decidir de xeito igualitario por medio dunha asemblea libre e desxerarquizada? O fantasmagórico procreo de Naves de Metrosidero non é máis que unha burda farsa coa que Marea Atlántica pretende cavar baixo os nosos pés. Socavar o noso apoio devorando o noso proxecto social para regurxitalo logo teledirixido baixo o seu control. O tempo poñerá a cada quen no seu lugar.

 

Pero ao pobo consciente non se lle engana tan facilmente. E moito menos despois de amosar a súa verdadeira natureza autoritaria e represora. As mans manchadas de sangue non son tan doadas de ocultar. Caéronse as caretas e os sorrisos hipócritas e os discursos baleiros xa non poderán devolvelas o seu sitio.
Nós seguiremos resistindo. Seguiremos abrindo espazos de liberdade e autoxestión para defendelos tras dos seus muros e nas rúas do autoritarismo e a represión. Non renunciaremos a soñar cun mundo mellor nin a loitar por conseguilo. Sabemos que para cambiar o mundo non basta con desexalo con forza nin proclamalo na internet, fai falta o compromiso e a decisión de tomar as rúas cando o require a ocasión. Sabemos que ao noso caròn estarán as solidarias, as rebeldes, as soñadoras e as que aínda non se renderon. Ven connosco a achegar un pouco máis a utopía á realidade.
Un desaloxo, outra okupación!

Vémonos nas rúas.

 

One thought on “Comunicado contra o desaloxo do CSO A Insumisa

  1. HIPÓCRITAS MAREANTES!!

    Depiois das brutais cárregas policiais de ontem contra a penha da INSUMISA por parte das suas forças policiais vam e tiram um seu Comunicado onde falam de afondar no diálogo e a sua 1ª medida é suspender o ato onde diziam que iam debater numa conversa aberta sobre os bens comuns urbanos em semelhança do ocorrido em Nápoles.

    CURIOSAS MANEIRAS DE AFONDAR NO DEBATE!!

Deixa un comentario

Este sitio usa Akismet para reducir el spam. Aprende cómo se procesan los datos de tus comentarios.