As alegacións da Insumisa ridiculizan ao concello

Se hai dúas semanas falábamos do inicio do proceso de desaloxo do C.S.O. Insumisa, agora xs okupas respostán con retranca nas súas alegacións ao requerimento de expulsión ditado polo concello «do cambio» coruñés. Hoxe finalizaba o prazo para interpoñer recurso e esta foi a resposta, cursada nun rexistro oficial, dende a asamblea do Centro Social:

AO CONCELLO DA CORUÑA

 

Expte.  XXXXXXX

 

A Asemblea do Centro Social  Okupado A  Insumisa, notificado o acordo de iniciación de procedemento no expediente referenciado a Don  XXXXX, con D. N.I.  XXXXX e domicilio a efectos de notificacións en  XXXXXX, formula as seguintes ALEGACIÓNS:

-Primeira- Alegamos que alegar alegacións é unha tontería, pois só serviría para dar aparencia garantista e democrática a unha decisión irrevogable tomada de antemán.

Alegamos que aleguemos o que aleguemos ídelo a pasar pola cona.

-Segunda- Alegamos que non recoñecemos a autoridade das institucións post-fascistas do reino  Borbónico. Empezando pola coroa e terminando polo  servil concello  lacaio que pretende desaloxarnos.

-Terceira- Co presente escrito o  C.S.O. A  Insumisa Declara Unilateralmente a súa Independencia do reino español, a Unión Europea e demais  artificiosas construcións sociais encamiñadas á submisión e o espolio do pobo soberano e da natureza. Declarámonos territorio autónomo, libre e  autoorganizado; non suxeito ás leis  clasistas e  liberticidas do estado español nin dos seus esbirros do concello coruñés.

-Cuarta- Alegamos que concedemos ao consistorio e os seus  secuaces o máis que xeneroso prazo de 10 días hábiles para:

1ª- Depoñer a súa actitude hostil e represora cara a nosa okupa e demais Movementos Sociais.

2ª- Destinar o millón de euros que pretenden investir no terreo que nós  okupamos para o Proxecto Cárcere. Os cartos sobrantes poderíanse empregar en equipamento e acondicionamento para os máis que suficientes 23 Centros Cívicos municipais. No canto de crear un novo, onde xa se desenvolve gratis o que agora pretenden facer cun inmenso gasto público.

3ª- Instauración da Renda Básica Universal.

4ª-  Remunicipalización da O.R.A (aínda que quizá sería mellor a súa directa abolición).

5ª- Construción do carril bici.

6ª Despenalización do “Top Manta”.

7ª- Converter Coruña na cidade de acollida de refuxiados que prometestes e, xa de paso, conseguir aloxamento digno para  todxs  xs sen teito.

8ª- Romper as relacións municipais coa banca privada.

9ª- Gratuidade do Transporte Público. Así como tamén da auga e o abastecemento eléctrico para as rendas baixas.

…

-Quinta- Ofrecemos o xeneroso prazo de 30 días naturais para abolir o diñeiro, acabar coa propiedade privada, destruír o sistema  tecnoindustrial, poñer fin ao  patriarcado, terminar co traballo asalariado, restaurar a harmonía natural e proclamar incondicionalmente a Anarquía.

Atentamente:

A asemblea do  C. S.O. A  Insumisa.

P.D.- Un desaloxo…