Crónica do escrache a Marea contra o desaloxo da Insumisa

O pasado martes 13 o concello da Coruña convocou unha reunión para decidir os usos aos que destinarán o C. S.O. A Insumisa unha vez desaloxado. Como non podía ser doutro xeito, máis de medio cento de manifestantes afeáronlles a conduta con pancartas, silbatos e tambores ás portas do Centro Cívico da Cidade Vella. Se pretendían lexitimar as súas intencións represivas con pantomimas ciudadanistas, un grupo de solidarixs, pertencentes a moitos e diversos colectivos e Centros Sociais da cidade, impedíronllo a berros. Amosando, ademais, que os Movementos Sociais, para os que din que estan a construír o seu proxecto de participación cidadá teledirixido polo concello, apoian sen fisuras xs okupas.
DESDE FÓRA:
Cando o concello convocou este simulacro de reunión cidadá participativa (á que, por certo, nesta ocasión non só non convidaron xs okupas da Insumisa, se non que a fixeron coincidir adrede coa súa asemblea), desde as redes sociais fíxose un chamamento exprés á protesta. Máis de cincuenta persoas responderon á convocatoria e, armados de pitos, tambores, cubos e mala hostia, reivindicaron desde a rúa o que desde as institucións pretenden erradicar: a autonomía dos Movementos Sociais e contestatarios.

Tres concelleirxs de Marea Atlántica prestaron a súa cara á pantomima liberticida. Tres edís con pasado okupa: José Manuel Sande (cultura), Rocío Fraga (igualdade e seguridade cidadá) e Claudia Delso (participación) elixidxs para tratar de converter o desaloxo dun Centro Social Okupado nunha conquista popular asemblearia e “buenrolleira”. Tres estómagos agradecidos que tiveron que tragarse os pitidos e abucheos da coruña rebelde entre sorrisos nerviosos e miradiñas ao chan. Que duro é ás veces gañarse as túas merecidas trinta moedas de prata!

Durante todo o tempo que durou a reunión, xs solidarios concentrados ás portas gritaron, cantaron e fixeron soar os seus silbatos e tambores, o que obrigou xs concelleirxs a utilizar micrófono para poder continuar coa súa farsa cidadanista. Os lemas máis coreados foron: “okupas somos, okupas seremos e co concello nunca pactaresmos”, “ Xulio Ferreiro fascista e mentireiro”, “Marea e o P. P. a mesma merda é”, “contra Marea e a súa violencia agora e sempre resistencia”, “Marea desaloxa, o mesmo que o P. P.”, “ Xulio recorda que temos unha corda” ou os xa clásicos “un desaloxo outra okupación”, “10, 100, 1000 Centros Sociais” e “okupa, okupa, okupa e resiste”.
Durante a protesta apareceu un coche da policía local, que se retirou ao pouco sen maior contratempo.
Á saída dos participantes no guiñol esquizoide “made in Marea”, un grupo dos concentrados, pancarta en man (“Marea desaloxa Centros, Sociais. Ti de que lado estás?”) perseguiu un rato as concelleiras ao berro de: “agora vós sodes o P. P.”  (a Claudia e a Roci, pois Sande xa se marchara, avergoñado, ao pouco de empezar a farsa).
C.R.
DESDE DENTRO:
Eran as 19:30 cando comezou a reunión no Centro Cívico. Había unha morea de xente, de idades entre os vinte e os 60+ anos, con opinións bastante dispares como veremos a continuación; mais antes cómpre dicir que, debido os berros da manifestación de fóra, aínda coas fiestras fechadas, necesitabanse micrófonos, e os 3-5 primeiros minutos pasaron cun relativo silencio no interior invadido polas consignas de apoio á Insumisa da concentración. Trouxeron un micro mais a situación tornou algo cómica, pois era inalámbrico e a persoa que falara (que foi Claudia Delso en todo momento, xa que Rocío e Sande limitáronse a presentarse e competir co mobiliario en dinamismo) tiña que estar moi preto do transmisor, pois se non non funcionaba e, a mariores, cortábase cada dous por tres.
Tras estes contratempos técnicos, Claudia comezou dicindo que a reunión era unha continuación da anterior na que se presentara o proxecto das Naves do Metrosidero; eu diría máis ben que era unha “reposición”, pois non deron ningunha información concreta nova sobre o proxecto. Desta vez non fixo falla ninguén partícipe da Insumisa pra demostrar que Marea está a vender fume, aquí algunhas preguntas que fixo a xente (coa axuda dun micro de mesa que foron pasando, xa que o outro non ía):
  • A persoa que xestiona os locales gratuitos do Coliseum de A Coruña explicou a problemática de falta de espazo que teñen e estaba interesada en que se abrise outro espazo nas Naves do Metrosidero.
  • Ó lado desta persoa, outro rapaz preguntou que plan tiñan pra a inclusión á mocidade de 13-16 anos, xa que tanto repiten o de “espazo para á mocidade”.
  • Outra persoa preguntou como tería que facer para participar nas Naves (agora non lembro en qué actividade) sen pertencer a ningún colectivo (pregunta que xa se fixera na reunión anterior).
  • Alguén preguntou directamente como se ía xestionar o espazo.
  • Incluso un señor preguntou: “teremos que pagar algún tipo de recompensa á empresa constructora polo retraso das obras?”.

Ben, pois todas estas preguntas sen resposta. Claudia escurriu o bulto nun par delas, dicindo que se conseguiu que participara a mocidade no Espazo Xuvenil na Sagrada Familia e, sobre o modelo de xestión dixo que non quere ser ela a que dicida tal, que é algo que hai que falar entre todes e que está aberta a propostas. Propostas de quen? que colectivos queren colaborar co concello nun espazo que vai desaloxar? A min de momento non me consta ningún, e seica foi Claudia preguntando nalgún outro centro social da cidade que xa colaborara co Concello anteriormente e se lle dixo que non de cabeza, como faría calquera centro social cun mínimo de dignidade. Clauda, isto non é como Proxecto Cárcere, cun colectivo formado pra xestionar o espazo (o cal, por certo, leva esperando máis de 5 anos pra abrir as portas). Se non bastaba escurrir o bulto desta maneira, repetiu o de tomar exemplo da Harinera, en Zaragoza, ou o modelo napolitano. Qué pesadez, e dalle con centrarse en espazos pactados cos concellos e invisibilizar os que non o fixeron. Que sí, que en Zaragoza está a Harinera, pero tamén o Kike Mur; en Sevilla a Casa del Pumarejo, pero tamén a Revolucioná (en situación de desaloxo, xa informaremos próximamente); en Barna o Can Batlló, pero tamén estaba a REA ata que chegou o partido do cambio de Colau… Coma estes, máis exemplos, pero non interesa falar dos ccss que non pactan co poder. Menos mal que unha compañeira non aturou máis e comentou a sensación de deja-vu que tiña, sinalou, unha vez máis, a hipocresía de falar de construir un espazo aberto pra a xente e autoxestionado cando fóra estaba xente de varios movementos e centros sociais da coruña protestando en defensa do espazo co queren acabar. Tamén desmontou o mito do modelo napolitano, lembrando que, se ven 6 ou 8 espazos pactaron co goberno, outras 54 okupas negáronse, e non vai ser que a xente desas 54 okupas son gilipollas. Ademáis, volveu a reincidir na dependencia do concello de turno (que as obras finalizarían antes das eleccións). Claudia non estaba dacordo e dixo que ela sí que cría que se estaban a dar novos datos, nova información… Cal, exactamente? A única información nova foi que van facer reunións mensuais pra “seguir” (comezar) a traballar nos posibles modelos de xestión. A próxima será o sábado 14 de abril, xa que cren que lle ven mellor á xente as findes, por dispoñibilidade (entón por que convocastedes esta un martes, coincidindo coa asemblea da Insumisa como ben díxose arriba?).

En fin, tamén interviu a terceira idade rancia pra queixarse do barullo de fóra e dicir que hai que respetar as opinións dos demáis e non obter as cousas pola violencia (aínda queda xente que ve unha concentración como algo violento), ou queixarse de que a Insumisa non é un espazo aberto porque un neto non puido facer a súa festa de cumpreanos na Insumisa e as actividades da Insumisa non saían nos xornais que lían eles.

A derradeira intervención foi a dun compañeiro que invitaba á xente a pasar por unha asemblea da Insumisa, os martes ás 20:00, pra averiguar como funciona o espazo (e así opinar con criterio).

Eu, persoalmente, creo que a parte técnica (micros) da reunión estaba máis preparada que o contido da mesma, polo menos foi algo novo e orixinal.

OKUPA E RESISTE!!

J.

Deixa un comentario