A Marea Atlántica por fin apoia ós okupas da Insumisa

Costoulles casi 3 anos, pero despois de centos de cagadas e de traizoar cobardemente todas as súas promesas electorais, por fin  atoparon a vergoña que semellaba que perderan (supoñendo que algunha vez a tivesen) e non dubidaron en pegar na fachada do seu local 3 cartaces en apoio o CSO A Insumisa, cun lema que non deixa lugar a dúbidas: “A Insumisa non se merca”. Non satisfeitos con tan noble acto, tamén pegaron un cartaz do compañeiro libertario Santiago Maldonado, asasinado no estado arxentino por defender á comunidade mapuche dos expolios da multinacional Benetton: “United Killers of Benetton”. Xa por todos era coñecido o gran compromiso que ten o noso alcalde, Xulio Ferreiro, en combatir os abusos das multinacionais. Non hai máis que lembrar o Congreso da Confederación Española de los Directivos que se celebrou na nosa cidade o 6 de outubro do 2015, coa participación de Pablo Isla, Carlos Slim, César Alierta e o rei Felipe VI.

Dende este humilde blog queremos amosar a o noso agradecimento a tan fermoso xesto e recordarlles que se algún desaprensivo lles arranca os cartaces, non dubiden en solicitar outros máis.

 

Deixa un comentario