E tras do desaloxo do Escarnio…

Finalmente semella que o saldo represivo resultante das protestas contra o desaloxo do Centro Social Okupado Escarnio e Maldizer é de tres persoas detidas no transcurso das mobilizacións (unha na primeira e dúas na última), nove máis detidas días máis tarde ás portas das súas casas e outras dez identificadas pola investigación policial que aínda non foron levadas ante o xuíz. A isto habería que sumarlle as sancións administrativas contra xs identificados nas protestas que, a xulgar polas declaracións policiais aos medios de comunicación, poderían contarse por centos e superar os 150.000 euros no seu conxunto.

Durante a manifestación do propio día do desaloxo, a máis contundente e a única na que se produciron disturbios propiamente ditos, extrañamente só houbo unha detención (a dunha persoa que quedou inconcente ao comezar as cargas policiais).

As dúas seguintes detencións producíronse durante a okupación do colexio Peleteiro, na manifestación do día 10 de xuño en protesta contra o desaloxo do Escarnio, baixo cargos de “ocupación de inmoble e resistencia a axentes da autoridade”.

Durante esa mesma xornada identificaron a 116 persoas no interior do colexio Peleteiro e a uns cuantos máis na sentada ás porta do mesmo; a policía cursou propostas de sanción administrativa contra todas elas. O alcance desta manobra represiva aínda queda por determinar, pero podería superar amplamente os cen mil euros.

Unha semana máis tarde outras 9 persoas (cinco en Compostela, dous en Coruña e dous en Ourense) foron detidas ao saír dos seus domicilios acusadas de “desordes públicos, atentado e manifestación ilegal”. Era o resultado das investigacións policiais das fotos e vídeos dos disturbios do día do desaloxo do Escarnio. Outras dez persoas de diversos puntos de Galiza foron identificadas e requiridas no transcurso desas dilixencias, pero finalmente non pasaron a disposicción xudicial (o que non quere dicir que non poidan ser imputadas por carta no futuro).

E así anda o patio, este é o balance represivo das mobilizacións contra o desaloxo do C.S.O. Escarnio e Maldizer. Polo menos polo de agora, que as dilixencias non están pechadas e aínda poden sorprendernos con algunha das súas os nosos queridos sabuesos da brigada de información (sit! sit! dame a patiña!… moi ben!).

One thought on “E tras do desaloxo do Escarnio…

Deixa un comentario